ياما حلا الفنجال من غير جوال ..
في مجلس مافيه شخص يشيله ..؟
راحت مجالسنا سنابات وهبال ..
وكلن يراسل صاحبه مع خليله ..؟
يرسل صور أكله وشربه والاطفال ..
ماهمه سلوم العرب والفشيله ..؟
راحت سواليف الطحاطيح الأبطال ..
مجالس أصحاب الحكم والفضيله ..؟
اللي سوالفهم سواليف عقال ..
ماقد مشو درب الردى والرذيله ..؟
ياما فقدنا من صناديد ورجال ..
اللي يحلون الأمور العضيله ..؟
صديقنا والعم والجار والخال ..
ماكنهم ساروا على الأرض ليله ..؟
يالله يامنزل تبارك والانفال ..
تجعل منازلهم جناين ظليله ..؟